VISITA ALUMNADO ERASMUS+ DO IES POBRA

O alumnado de Erasmus+ do IES da Pobra do Caramiñal, veu ao colexio para contar as súas experiencias nas súas viaxes por países de Europa. O noso alumnado estivo moi atento e participativo. Antes de marchar démoslles un agasallo, un estoxo con 14 rotuladores de diferentes cores.

ENTROIDO

Decoráronse os dous edificios con motivos do Entroido elaborado polo alumnado.
Deuse información do Entroido en Galicia, en España e en distintos países, seguindo así o Proxecto
común “Navegando por Europa”.
Debido á choiva tivemos que suspender o pasacalles polas rúas de Pobra, e fixémolo no noso pavillón.
A temática foi“Os contos”.
Ao remate do desfile houbo unha degustación de alimentos típicos do Entroido no pavillón cuberto
que os nenos trouxeron das súas casas.
Cando terminamos a degustación houbo comparsas na que os nenos tocaron e cantaron en galego.

DÍA DA PAZ

Exposición na biblioteca de libros en galego relacionados coa paz.
"MURO DA PAZ":Nas entradas dos dous edificios, grande e pequeno, construimos entre todos un muro no que os ladrillos foron tetabriks de leite ou zume decorados con motivos alusivos á paz. Esta actividade foi feita polo alumnado en colaboración coas familias.

"CANCIÓNS NO PAVILLÓN". O Venres 30 de Xaneiro saímos ao pavillón cuberto a cantar as seguintes cancións alusivas á PAZ: • "Cantarela dos nenos"en galego, •"Friends will be friends" de "Queen" •"Por qué no ser amigos? De "Hombres G"en castelán.

"PARAUGAS PARA A PAZ". Baseándonos no proxecto artístico mundial liderado polo artista Matt
Lamb, cada aula pintou e decorou un paraugas. O día da Paz cada aula saíu desfilando co seu paraugas ata o pavillón cuberto.
Os paraugas están colocados nas entradas dos dous edificios.

NADAL

Decoráronse os dous edificios con árbores e postais de Nadal. As follas foron elaboradas polo alumnado na clase de Arts e as postais fíxoas o alumnado axudados polas familias.
Festival de Nadal no colexio con portas abertas para as familias.Decoración do festival cunha árbore
de Nadal e con dous calendarios de advento un da faciana do Apalpador cos desexos dos nenos e outro de Papá Noel. Algunhas das imaxes do festival son:

Destacar a obra de 5ºC relacionada coas palabras traballadas no mes de decembro e titulada “Regalamos Palabras”.

Silvia Rodríguez, titora de 5ºC elabora este bonito guión, co que o alumnado representou a obra “Regalamos palabras”. Foi todo un éxito. Ao remate da obra o alumnado de 5ºC agasallou palabras ao resto do alumnado. O vídeo realizouno Juan Ferreiro.
Este vídeo tamén pode verse no enlace  http://verbas.iespobra.gal/?portfolio=regalamos-palabras

Tamén colaboramos co equipo de medio ambiente para a elección e posterior entrega das tarxetas “Nadal Natural”. Os nenos fixeron debuxos relacionados coa natureza e co Nadal, escolleuse un gañador por nivel e logo cada neno levou unha tarxeta como felicitación de Nadal.

DÍA DA NON VIOLENCIA 2014

Este ano o Premio Novel da paz recae sobre Malala Yousafzai, polo que demos a coñecer aspectos
relevantes da súa vida e obra.
Decoráronse as entradas dos dous centros cun libro aberto co lema “ Un neno, un mestre, un lapis e un libro poden cambiar o mundo” e ao profesorado repartíronse lazos contra a violencia de Xénero para que o alumnado puidera ilustrar e logo puxéronse polo centro.

SAMAÍN

Decoráronse os dous centros con motivos do Samaín e Magosto.
Na biblioteca expuxéronse libros relacionados co Samaín e magosto.

Houbo unha exposición nos dous edificios de cabazas decoradas polo alumnado en colaboración coas familias.

Celebramos o Samaín co acendido das cabazas á entrada dos nenos á escola.

A ANPA foi a encargada de celebrar o Magosto, que por causas da chuvia tivo que facerse outro día no recreo.
Aquí tedes algunhas imaxes: 

Comezamos o curso 2014 - 2015

Comezamos este curso con novos proxectos e traballos cos que pretendemos que o alumnado, profesorado  e demais comunidade educativa aumenten a súa competencia lingüística en galego.