A ESCOLA FALA: 2013

10/12/13

Xa chegou o Nadal e con el o Apalpador. O vello Apalpador, ou Pandegueiro é unha figura lendaria
galega que achega os agasallos aos nenos polas datas de nadal. Este xigante, de oficio carboeiro, baixaba das devesas e apalpaba as barriguiñas dos cativos. Se estaban cheas dicía: «así, así esteas todo o ano» e deixáballes unha presa de castañas. Senón calaba, pero deixáballes tamén as castañas.

Estos foron os Apalpadores que fixemos este ano no colexio:

Ademais mirade que ben quedaron o Apalpador e Papá Noel, dous calendarios de advento nos que os nenos cada día lle daban a volta ao día correspondente e alí estaban os desexos que os nenos elixiron.

29/11/13

Para o día da Non Violencia decoramos o centro con mariposas.

13/11/13

Hoxe foi un día moi especial, pois celebrouse o Día da Ciencia en Galego. O alumnado participante foi o de 3º ciclo. Estivo moi ben ver a videoconferencia de Marilar Aleixandre na biblioteca, ver a súa explicación e a presentación da súa exposición.

12/11/13

O luns pola tarde celebramos O Magosto. Foi unha tarde moi especial. Colaboramos mestres e pais. A ANPA organizaou unhas actividades moi divertidas, unha para cada ciclo. Cando os nenos e nenas remataron tocou ir comer as castañas.

30/10/13

Como ben sabedes está a chegar o Samaín. Decoramos os dous centros e este foi o resultado:

Os nenos e nenas trouxeron as cabazas decoradas da casa. As cabazas expuxéronse polas entradas e pasillos dos dous edificios e mirade que ben fermosas quedaron.

O mércores 30, pola mañá, ao entrar os nenos e nenas no colexio leváronse unha grande sorpresa ao ver as cabazas acendidas, coa canción "Tumba que Tumba" de Mamá Cabra e claro está o colexio medio a escuras.

9/10/13

Empezamos o novo curso e este ano traballamos no Proxecto común "Viaxando por un mundo de emocións". A Vaca Pepa preséntanos ao seu fillo e comeza a súa viaxe, saíndo da biblioteca do colexio, no seu barco Salustianic.Son moitos os continentes e países que ten que visitar: España, Austria, Alemaña, Rusia, Noruega, Suecia, Finlandia, Oriente Medio, América, Exipto, Etiopía, Sudáfrica, China, India, Australia, Grecia, Italia e volve a España.

Empezamos, entón, esta viaxe todos xuntos traballando distintas emocións e valores e como non coñecendo os costumes, festas, monumentos, ...

27/5/13

ARCO DA VELLA E DAS FACIANAS GALEGAS

Dende 1963 ata 3013 un percorrido polo arco da Letras... celebramos o 50 aniversario das facianas homenaxeadas polo Día das Letras Galegas.

18/5/13

PRIMEIRA ROMARIA DAS LETRAS GALEGAS !!!!

NO 2013, ano de ROBERTO VIDAL BOLAÑO e 150 aniversario de "Cantares Galegos"

obra de ROSALÍA DE CASTRO, O Equipo de Dinamización da Lingua Galega, a Coordinadora de

Extraescolares, a ANPA, pais, nais, mestres,... quixeron que a conmemoración do DÍA DAS LETRAS

GALEGAS fose moi especial para toda a comunidade educativa do CEP Salustiano Rey Eiras, polo que

organizaron a ROMERÍA DAS LETRAS.

Foi un día moi especial...

Aquí temos un enlace para ver algunhas fotos, da romería e algún dos videos: interpretación do himno galego, pandereteiras e como ía faltar... a poesía de Rosalía de Castro "Adiós ríos, adiós fontes".

Tamén atoparedes imaxes da preparación da romería, da súa decoración, postos, tendas, as fotos que fixeron os nenos e nenas do cole no obradoiro de fotografía (gaiteiros e romeiros) e moitas ... sorpresas!!!

Enlace ao obradoiro de fotografía. (fotos das caras dos nenos)

A ROMERÍA DAS LETRAS GALEGAS foi unha actividade que se celebrou por primeira vez no CEP Salustiano Rey Eiras. Era moita a ilusión e dedicación que requería, pero o noso obxectivo era acercar a cultura galega e o folklore a escola, polo que nos puxemos a traballar.